اسلام آباد ۔ 23 ستمبر (اے پی پی) جاری مالی سال 2016-17ءدے ابتدائی ڈو مہیناں دے دوران فروٹاں دی ملکی برآمدات وچ 56.99 فیصد دا ودھارا تھیا ہے۔ ادارہ برائے شماریات پاکستان ( پی بی ایس) دے مطابق جاری مالی سال وچ جولائی اتے اگست 2016ءدے دوران 74 ہزار 297 میٹرک ٹن تازہ فروٹاں دیاں برآمدات نال 61.586 ملین ڈالر دا زرمبادلہ کمایا گئے جڈانجو گزریل مالی سال وچ جولائی اتے اگست 2015ءدے دوران 49ہزار 36 میٹرک ٹن پھل برآمد کیتے گئے ہن جیندے نال 39.23 ملین ڈالر دا زرمبادلہ حاصل تھیا۔ ایں طرح گزریل مالی سال دے مقابلے وچ جاری مالی سال دے پہلے ڈو مہیناں وچ تازہ فروٹاں دی ملکی برآمدات وچ 56.99 فیصد دا ودھارا ریکارڈ کیتا گئے۔
