فیصل آباد۔11 ستمبر(اے پی پی )انسپکٹر جنرل پولیس پاکستان ریلویز دے خصوصی احکامات تے خصوصی عید ریل گاڈیاں اتے عید الاضحی دے موقعے تے ریلوے سٹیشناں اُتے حفاظتی انتظامات سخت کرنڑ دی ہدایت کرڈتی گئی ہے ،اتے پاکستان ریلوے دے سٹیشن ماسٹرز تے عملہ سمیت ریلوے پولیس کو ں خبردار کرڈتا گئے تانجو عید دے موقعے تے ریل گاڈیاں دے ذریعے سفر کرنڑآلے لوکیں کوں پورا تحفظ ڈتا ونج سگے ۔ پاکستان ریلوے پولیس فیصل آباد دے ترجمان ڈسایا جو عید الاضحی دے دوران کہیں وی شر پسندی دے ڈر نال نبڑنڑ کیتے فیصل آباد ، خانیوال، شورکوٹ ، ملتان، لہورسمیت سارے اہم ریلوے اسٹیشنز تے ریلوے پولیس دے اہلکاراں دیاں خصوصی ڈیوٹیاں لاڈتیاں گئن۔
