درآمدی ایل این جی پنجاب دے سی این جی اسٹیشنز استعمال کر یندے پن ، گھریلو صارفین اساڈی پہلی ترجیح ہے ایندے بعد صنعتی شعبے ،کھاد فیکٹریاں اتے سی این جی دے شعبے کوں گیس ڈتی ویسی ، وزیر مملکت پٹرولیم تے قدرتی وسائل جام کمال خانداایوان بالا اچ سوالاں دے وقفے دے دوران جواب

اسلام آباد ۔ 30 ستمبر (اے پی پی) وزیر مملکت پٹرولیم تے قدرتی وسائل جام کمال خان آکھیا ہے جو درآمدی ایل این جی پنجاب دے سی این جی اسٹیشنز استعمال کر یندے پے ہن ڈوجھے صوبیں اچ پنجاب دی نسبت ودھ قیمت دا تاثر درست کائنی ، گھریلو صارفین اساڈی پہلی ترجیح ہن ایندے بعد صنعتی شعبے ،کھاد فیکٹریاں اتے سی این جی دے شعبے کوں گیس ڈتی ویسی ۔جمعے کوں ایوان بالا اچ سوالاں دے وقفے دے دوران سینیٹر شاہی سید ،میاں عتیق شیخ اتے بئے ارکاناں دے سوال دے جواب اچ انہاں آکھیا جو گیس دی گھٹکی دی وجہ توں سی این جی اسٹیشن تقریبا بند تھی گے ہن ،جڈاں اساں ایل این جی در آمد کرنڑ شروع کیتی تاں سی این جی دے شعبے ساریں توں پہلے گیس استعمال کرنڑ دی خواہش ظاہر کیتی ایل این جی دی سی این جی اسٹیشنز سانگے قیمت وی ودھ ہے۔ اے تاثر درست کائنی جو پنجاب دی نسبت ڈوجھے صوبیں اچ ایل این جی دی قیمت ودھ ہے