ریاض ۔ 27 ستمبر (اے پی پی) سعودی عرب دے ولی عہد ،نائب وزیر اعظم اتے وزیر داخلہ شہزادہ محمد بن نائف 29 اتے 30 ستمبر کو ںترکی داسرکاری دورہ کریسن۔عرب ذرائع ابلاغ دے مطابق ایں ڈو ڈینھ دے دورے دے دوران شہزادہ محمد بن نائف ترک صدر رجب طیب اردوآن ، وزیراعظم بن علی یلدرم اتے بئے اعلیٰ عہدے داراں نال دہشتگردی دے خلاف جنگ ، ڈوطرفہ تعلقات کوں فروغ ڈیونڑ دے طریقیاں اتے سارے شعبیاں وچ تعاون ودھاونڑ توں متعلق امور تے خیالیں دا تبادلہ کریسن۔اوہ ترکی دیاں وڈیاں کمپنیاں توں ڈوہائیں ملکاں وچال ڈوطرفہ تجارت اتے سعودی عرب وچ انہاں ولوں سرمایہ کاری کوں فروغ ڈیونڑ توں متعلق اقدامات تے وی گالھ مہاڑ کریسن۔ترک وزارت عظمیٰ دے ماتحت ادارہ برائے فروغ سرمایہ کاری دے سینئر مشیر ڈاکٹر مصطفیٰ گوکسو ڈسایا ہے جو ترک حکومت سعودی ولی عہد توں ترکی اتے خلیج تعاون کونسل دے رکن ملکاں وچال آزادانہ تجارت دے سمجھوتے تے دستخطاں دے حوالے نال وی تبادلہ خیال کریسن۔واضح رہوے جو سعودی ولی داترکی وچ ناکام فوجی بغاوت دے بعد ایہ پہلا دورہ ہے۔