اسلام آباد ۔ 21 ستمبر(اے پی پی) سپیکر قومی اسمبلی سردارایاز صادق آکھیا جو پاکستان ایشیاء اتے اوں توں باہر علاقائی تعاون اتے رابطیاں کوں ودھاونڑ سانگے پرعزم اے۔پاک چین اقتصادی راہداری منصوبہ،پاک چین مثالی یاری دا مظہر اے اتے ترقی دے سارے شعبیاں اچ تعاون کوں ودھاونڑ سانگے اساڈے عزم دا اظہار اے۔چین ،ارومچی توں ملنڑ آلی اطلاعات د ے مطابق اے گالھیں انہاں ارومچی اچ تھیونڑ آلی پنجویں چین ایشیا تے یورپ ایکسپودی افتتاحی تقریب نال خطاب کریندیں ہوئیں آکھی۔انہاں آکھیا جو اقوام متحدہ وچال مظبوط معاشی تے مالیاتی تعاون علاقائی تے عالمی اقتصادی استحکام سانگے ضروری اے۔انہاں پاک چین پارلیمانی اسٹریٹجک تعلقات وچال مضبوط معاشی تے مالیاتی تعاون علاقائی تے عالمی اقتصادی استحکام سانگے ضروری اے۔انہاں آکھیا جو پاک چین پارلیمانی اتے اسٹریٹجک تعلقات دا حوالہ ڈیندیں ہوئیں آکھیا جو پاک چین تعلقات کوں سرحداں دی ڈوہیں پاسوں سیاسی تے عوام حمایت اتے مقبولیت حاصل اے اتے دنیا اچ ڈوہاں ملکاں وچال دوستی دنیا سانگے ہک مثال اے۔انہاں آکھیا جو پاک چین اقتصادی راہداری منصبوبے نال خطے اچ ترقی تے خوشحالی دی نویں راہواں کھلسن۔سپیکر آکھیا جو پاکستان خطے دی نجی تے سرکاری کمپنیاں ولوں پاکستان اچ سرمایہ کاری دا خیر مقدم کریندے۔
