اسلام آباد ۔ 29 ستمبر (اے پی پی) صدر مملکت ممنون حسین آکھیا جو صدرمملکت ممنون حسین دی بھارت ولوں لائن آف کنٹرول تے بلا اشتعال فائرنگ دی پرزور مذمت،بھارت جنگی جنون کوں ہوا ڈے کراہیں خطے دے امن کوں دائو تے نہ لاوے۔ بھار ت مقبوضہ کشمیر اچ جاری تشدد اتے ظلم تے ستم تے پردہ پاونڑ سانگے ایجھے اوچھے ہتھکنڈے استعمال کریندا پئے۔خمیس کوں ایوان صدر ولوں جاری بیان دے مطابق صدر مملکت آکھیا جو پاکستان سفارتی محاز تے کشمیر دے مسئلے کوں بھرپور طریقے نال چاتے جئیں نال بھارت دی سبکی تھئی اے اتے اوندا مقبوضہ کشمیر اچ اصل چہرہ سامنڑے آئے۔صدر مملکت آکھیا جو بین الاقوامی برادری کنٹرول لائن تے بھارت دی بلااشتعال فائرنگ دا نوٹس گھنے اتے خطے اچ امن سانگے آپنڑاں کردار نبھاوے۔انہاں آکھیا جو مقبوضہ کشمیر اچ برہان وانی دی شہادت کشمیریاں کوں آزادی دا نواں جذبہ ڈتے اتے کشمیر دے مسئلے دے حل دے بغیر خطے اچ امن نا ممکن اے۔انہاں ایں گالھ تے زور ڈتا جو عالمی برادری کوں چاہیدا اے جو او کشمیریاں دی امنگاں دے مطابق ایں مسئلہ کوں حل کرن۔
