مردان دھماکیاں بارے وزیرداخلہ صوبائی حکومت تے کوئی الزام کائنی لاتا،ایں بارے میڈیا دے کجھ حصیاں اچ خبر شائع تھیونڑ آلی خبراں حقیقت دے منافی ہن ،ترجمان وزارتِ داخلہ

اسلام آباد۔ 05 ستمبر (اے پی پی) وزارتِ داخلہ دے ترجمان آکھیا جو مردان دھماکیاں بارے وزیرداخلہ صوبائی حکومت تے کوئی الزام کائنی لاتا،ایں بارے میڈیا دے کجھ حصیاں اچ خبر شائع تھیونڑ آلی خبراں حقیقت دے منافی ہن۔سوموار کوں وزارت داخلہ دے ترجمان آکھیا جو مردان دھماکیاں دی پیشگی اطلاع بارے پچھیے گئے ہک سوال تے وزیر داخلہ ایں حد تئیں گالھ ضرور کیتی جو ایں بارے ڈو تھریٹ الرٹ ملیے جیڑھے جو وفاق ویلھے تے صوبائی حکومت نال شیئرکر ڈتے ہن ۔ترجمان آکھیا جو میڈیا نمائندگان نال گالھ مہاڑ کریندیں ہوئیں وزیر داخلہ واضح کیتا جو دہشت گردی دے ایں واقعہ دے بعد الزام تراشی دی بجائے ساکوں رل تے کم کرنڑ دی لوڑھ اے ۔