بیجنگ۔ 05 ستمبر (اے پی پی) امریکی صدر براک اوباما یقین ڈیوایا ہے جو انہاں دا ملک منتخب حکومت اتے صدر اردوآن دا تختہ الٹنڑ دی ناکام سازش وچ ملوث بندیاں کوں قنون دی کچہری وچ گھ آونڑ سانگے ترکی دی مدد کریسوں۔میڈیا رپورٹس دے مطابق چین دے شہر ہانگ زو وچ جی ٹونٹی اجلاس دے موقع تے ترک صدر طیب اردوآن دت کٹھے ہک سانجھی نیوز کانفرنس نال خطاب کریندے ہوئیں صدر اوباما دا آکھنڑ ہا جو اساں ترکی کوں ایں گالھ دی دی ضمانت ڈیندے ہسے جو منتخب جمہوری حکومت دے خلاف سازش تیار کرنڑ آلیاں کوںقنون دی کچہری وچ گھ آونڑسانگے ترکی دی مدد کیتی ویسی۔صدر اوباما آکھیا جوترکی اپنڑے مونڈھیاں تے مہاجریں دا بھار چیندے ہوئیںاتے ایں معاملے وچ وی ایندی مدد کرنڑ دی ضرورت ہے۔انہاں آکھیاجو داعش دے خلاف جدوجہد وچ ترکی ہک اہم اتحادی ہے اتے ایندی خواہش ہے جو ڈوئیں ملکاں وچال ایہ تعاون جاری راہسی ۔
