اسلام آباد ۔ 28 ستمبر (اے پی پی) وزیر مملکت پانڑیں تے بجلی چوہدری عابد شیر علی آکھیا ہے جو بھارت دنیا دا ساریں توں وڈا دہشت گرد ہے ،نریندر مودی کوں وزیراعظم شیشہ ڈکھا ڈتا ہے ،انڈیا پوری دنیا اچ کلھا رہ گے ۔اپنڑی حکمت عملی نال کشمیر دا مسئلہ حل کریسوں ۔ملک دا ہر بندہ وطن دی حفاظت سانگے پاک فوج دے نال رلیا کھڑے ۔انہاں بدھ کوں پارلیمنٹ ہائوس دے باہروںمیڈیا نال گالھ مہاڑ کریندے ہوئیں آکھیا جو بھارت اپنڑیاں ناکامیاں کوں لکاونڑ سانگے اوچھیاں حرکتاں کریندا پئے ۔کشمیر تے ظلم کوئی نویں گالھ کائنی بھارت ماضی اچ وی خلاف ورزیاں کیتیاں ہنڑ دنیاں دے اندھار ے اچ نی رکھیا ونج سگدا ۔بھارت اگر پاکستان کوں للکارنڑ دی غلطی کیتی تاں پوری قوم پاک فوج نال رل تے ملک دے چپے چپے دی حفاظت کریسی ۔انہاں آکھیا جو نریندر مودی اتے بھارت دنیا دے ساریں توں وڈے دہشت گردہن ۔انہاں آکھیا جو پاکستان اپنڑی حکمت عملی نا ل بھارت کوں دنیا دے سامنڑے نہ صرف ننگا کر ڈتا ہے بلکہ اقوام عالمی دے سامنڑے وی اینکوں کلھا کر ڈتا ہے ،انہاں آکھیا جو اساں کشمیر کاز توں ہک انچ وی پچھی تے کائناں ویسوں ۔
