اسلام آباد ۔ 30 ستمبر (اے پی پی) وفاقی وزیر برائے انسانی حقوق کامران مائیکل آکھے جو وزارت انسانی حقوق بالیں اتے تریمتیں کوں محفوظ ماحول ڈیونڑ اتے تحفظ کیتے چار نویں شیلٹر ہوم قائم کریسی جڈانجو وزارت معاشرے دے محروم اتے پسے ہوئے طبقیاں دی فلاح تے بہبود کیتے ودھ سارے اقدامات کر یندی پئی ہے ۔ انہاں اے گالھ ویمن کرائسز سنٹر دے دورے دے موقعے تے آکھی ۔ ایں موقعے تے وفاقی وزیر نال سیکرٹری وزارت انسانی حقوق ندیم اشرف، ایڈیشنل سیکرٹری حمیرا اعظم اتے کئی بئے حکام وی موجود ہن ۔ وفاقی وزیر کامران مائیکل کرائسز سنٹر اچ عملے دی کمی دا نوٹس وی گھدا اتے متعلقہ حکام کوں ہدایت کیتی جوا و خالی آسامیاں تے قابو اتے اہل عملے دی میرٹ تے تعیناتی کرن۔ ایں موقعے تے سنٹر دے عملے ولوں ڈتی گئی تفصیلی بریفنگ اچ وفاقی وزیر کوںڈسایا گیا جو شیلٹر ہوم تریمتیں اتے بالیں کوں قنونی امداد، تعلیمی تے پیشہ وارانہ تربیت اتے صحت و تندرستی کیتے معاونت فراہم کریندے ہن ۔
