اسلام آباد ۔ 18 ستمبر (اے پی پی) پاکستان اتے چین آپس دی سانجھے داری نال پاک چین اقتصادی راہداری منصوبے دے رستے اُتے 6 جاہیںت ے ٹیکنیکل اتے ووکیشنل ٹریننگ انسٹی ٹیوٹ قائم کریسن جیندے نال مختلف شعبیاں کیتے مؤثر ہنرمند افرادی قوت دا حصول یقینی بنڑایا ویسی ۔ ذرائع دے مطابق اے انسٹی ٹیوٹ پاک چین اقتصادی راہداری دے روٹ تے واقع گلگت، مانسہرہ، ایبٹ آباد، ڈیرہ اسماعیل خان، کوئٹہ اتے گوادر اچ قائم کیتے ویسن۔ ذرائع دے مطابق پاک چین اقتصادی راہداری منصوبے نال جتھاں خطے اچ ترقی تے خوشحالی دا نواں دور شروع تھیسی ،اتھاں انہاں ٹریننگ سنٹراں دے قیام نال پاکستانی نینگراں کیتے روزگار دے موقعے پیدا تھیسن ۔ انہاں اداریاں دے قیام نال پاکستان اچ معاشی تے اقتصادی سرگرمیاں کوں ودھارا ملسی ۔ پاک چین اقتصادی راہداری منصوبے دے پورے تھیونڑنال خطے اچ غربت مُک ویسی ۔
