اسلام آباد ۔ 18 اکتوبر (اے پی پی) پورے پاکستان وچ آندے ترائے مہیناں دے دوران درجہ حرارت وچ ہک توں ڈو ڈگری سنٹی گریڈ ودھارے اتے سردیاں دی آمد وچ تاخیر دا امکان ہے۔ نجی ٹی وی چینل محکمہ موسمیات دے حوالے نال ڈسایا جو عالمی سطح تے موسمیاتی تبدیلیاں دی وجہ نال پوری دنیا وج جاری سال تریخ دا گرم ترین سال ہوسی اتے پاکستان وچ آندے ترائے مہیناںدے دوران معمول دے درجہ حرارت وچ ہک توں ڈو ڈگری سنٹی گریڈودھارے دا امکان ہے جیندی وجہ نال سردیاں دی آمد وچ تاخیر تھی سگدی ہے۔ محکمہ موسمیات دے مطابق پورے ملک وچ اکتوبر توں دسمبر دے دوران مینھ دا امکان بہوں گھٹ ہے اتے برفباری وی معمول توں گھٹ تھیونڑ دی توقع ہے۔ ڈائریکٹر جنرل محکمہ موسمیات دا آکھنڑ ہے جو مینھ وچ گھٹکی دی وجہ نال آبی ذخائروچ پانڑیں دی مقدار بہوں گھٹ ہونڑ دی وجہ نال بارانی علاقیاؓں دے کاشتکار اں کوں مشکلات دا سامنڑاں کرنڑ پئے سگدے۔ انہاں دا آکھنڑ ہے جو ترائے مہیناں پہلے مینھ دی پیشنگوئی کرنڑ ممکن کائنی تاں جو مینھ دے حوالے نال چنگا امکان نومبر وچ ظاہر کیتا ونج جا سگدا ہے۔
