اسلام آباد ۔ 17 اکتوبر (اے پی پی) رواں مالی سال 2016-17ء دی پہلی سہ ماہی دے دوران کاراں دی فروخت اچ تقریبا 7 فیصد دی کمی واقع تھئی ہے ۔ آٹو موبائیلز دے شعبے دے اعدادوشمار دے مطابق جاری مالی سال اچ جولائی توں ستمبر 2016ء اچ 41 ہزار 405 یونٹس دی فروخت ریکارڈ کیتی گئی ہے ،جڈانجو گزریل مالی سال دے ایں عرصے اچ کاراں دی فروخت 44 ہزار 372 یونٹس ریکارڈ کیتی گئی ہئی ، ایں طرح گزریل مالی سال دے مقابلے اچ ایں مالی سال دے شروع دے ترائے مہنیاں اچ کاراں دی فروخت اچ تقریبا 7 فیصد دی کمی ریکارڈ کیتی گئی ہے۔
