اسلام آباد ۔ 20 اکتوبر (اے پی پی) بری فوج دے سربراہ جنرل راحیل شریف ‘ جنوبی وزیرستان دے علاقے سپن کئی کیڈ ٹ کالج دی دی جدید سہولتاں نال آراستہ نویں عمارت دا افتتاح کر ڈتا۔پاک فوج دے شعبہ تعلقات عامہ(آئی ایس پی آر) دے مطابق خمیس کوں سپین کئی کیڈٹ کالج دی نویں عمارت دی افتتاحی تقریب اچ قبائلی رہنماء اتے کیڈٹ نال گالھ مہاڑ کریندیں ہوئیں آرمی چیف آکھیا جو پڑھیے لکھیے اتے تربیت یافتہ نینگر ای پاکستان دا محفوظ اتے روشن مستقبل ہن۔انہاں آکھیا جو سپن کئی کیڈٹ کالج وی معیاری تعلیم دی فراہمی دے ایجنڈے دا حصہ اے جیڑھا جو فاٹا دے علاقے اچ بنڑایا گئے ۔اے کالج اساڈی نویں نسل دے مستقبل کوں روشن بنڑیسی۔
