اسلام آباد ۔ یکم اکتوبر (اے پی پی)قائد ایوان سینٹ سینیٹر راجہ ظفر الحق آکھے جو بھارت مقبوضہ کشمیر اچ بھارتی مظالم لکاونڑتے دُنیا دی توجہ مسئلہ کشمیر توں ہٹاونڑ سانگے سرحدتے کشیدگی شروع کریندا پئے تانجو او مقبوضہ کشمیر اچ ظلم دے پہاڑ بھن تے کشمیریاں دی آواز کوں دبا سگے۔ اے گالہیں انہاں شالیمار ریکارڈنگ اینڈ براڈ کاسٹنگ دے ملازماں دی یونین ولوں سالانہ عشائیے اچ مہمان خصوصی دے طور تے خطاب کریندے ہوئیں آکھیا ں ۔ راجہ محمد ظفر الحق آکھیا جو کشمیر دے معاملے تے ساری قوم حکومت اتے مسلح افواج ہکو کجھ ہن ، ایندے اچ کجھ ڈوجھی گالھ کائنی ۔ موجودہ ملکی حالات تے ہربندے کوں فکر ہے اتے آزمائش دی ایں گھڑی اچ حکومت آپنڑیں موثر حکمت عملی نال کامیاب تھیسی ۔ انہاںآکھیا جو وڈی گالھ ملک نال وفادار ی ہے ۔ پاکستان اساڈا وجود ہے ۔ پاکستان ہے تا ں اساڈ ا وجود ہے ۔ پاکستان دے بغیر اساڈیاں زندگیاں دا کئی معنی کائنی ۔
