اقوام متحدہ ۔ 15 اکتوبر (اے پی پی) پاکستان عالمی سطح تے جوہری ہتھیاراں ا چ کمی کیتے غیرامتیازی سلوک اختیارکرنڑدی لوڑ تے زور ڈیندے ہوئیں آکھے جو کجھ طاقتاں ولوں جوہری ہھتیاراں دی تخفیف کیتے دیرینہ قوانین اتے ضابطیاں اچ استثنیٰ ڈیونڑ نال علاقائی سٹریٹیجک توازن متاثر تھی ویندے ۔ اے گالھ جینیوا اچ اقوام متحدہ اچ پاکستان دی مستقل مندوب تہمینہ جنجوعہ جنرل اسمبلی دی تخفیف اسلحہ اتے بین الاقوامی سلامتی کمیٹی دے اجلاس نال خطاب کریندے ہوئیں آکھیاں۔ انہاں دا اشارہ بھارت اتے امریکا وچال جوہری معاہدول ہئی ۔ جیندے اچ امریکاجوہری ہھتیاراں دی تخفیف کیتے کئی پرانڑیں قوانین اتے ضابطیاں کوں نظر انداز کریندے ہوئیں بھارت نال اے معاہدہ کیتا ۔ پاکستانی مندوب آکھیا جو خصوصی انتظامات دے ناں اتے جوہری ہھتیاراں دی تخفیف کیتے پرانڑیں قوانین اتے ضابطیاں اچ استثنیٰ ڈیونڑ نال دوہرے معیارکوں ظاہر کریندی ہے ۔ اے کرنڑ نال فیدے گھنڑ آلا ملک نہ صرف جوہری پھیلائو اچ ودھارے دی وجہ بنڑ ویندے جڈانجو ایندے نال علاقائی سٹریٹیجک سلامتی کیتے وی خطرات پیدا تھیندے ہن ، ایندے نال نال استفادہ کرنڑآلے اتے نہ کرنڑآلیاں وچال سیکیورٹی بارے فرق ودھ ویسی ۔ انہاںآکھیا جو جوہری ہتھیاررکھنڑآلے ملکاں ولوں جوہری عدم پھیلاو دے سانجھے ہدف دے حصول کیتے آپنڑیاں ذمہ داریاں پوری کرنڑاچ عدم دلچسپی پاروں اے ہک خواب ہے،ایں سانجھے س ہدف دے حصول دی جاہ تے اے ملک آپنڑیں توجہ اضافی جوہری عدم پھیلائو دے ایں کم آلے توجہ کریندے پئے ہن ، جیندے اچ انہاں کوں صر ف سٹریٹیجک فیدہ تھیندا پئے ۔
