اسلام آباد ۔ 31 اکتوبر (اے پی پی) وفاقی وزیر برائے نیشنل فوڈ سیکورٹی اینڈ ریسرچ سکندر حیات خان بوسن آکھیا جو مقامی کپاہ دی فصل اتے پیداوار مارکیٹ اچ فروخت تھیونڑ تئیں ڈیوٹی فری کپاہ دی درآمد دی موکل کائنا ڈتی ویسی،سینیٹ دے آندے اجلاس اچ پلانٹ بریڈرز رائٹس بل منظور تھی ویسی۔اے گالھیں انہاں سوموارکوں پریس کانفرنس نال خطاب کریندیں ہوئیں آکھی۔انہاںآکھیا جو آل پاکستان ٹیکسٹائل ملز ایسوسی ایشن (آپٹیما) ولوں گزریل ڈینھ اچ اشتہارات ڈتے گئے ہن جو ڈیوٹی فری کپاہ دی درآمد دی موکل کائنا ڈتی ویسی۔انہاں آکھیا جو حکومت کپاہ دے کاشتکاراں دے مسئلے اتے اوندے شعبے نال جڑیے بندیاں دی مشکلاں بارے آگاہ اے ،مقامی کاشتکاراں دے تحفظ سانگے اے فیصلہ کیتا گئے جو فصل دی پیداوار تیار تھی کراہیں منڈی اچ ویچنڑ تئیں ڈیوٹی فری کپاہ دی درآمدات دی موکل کائنا ڈتی ویسی۔انہاں آکھیا جو نیشنل فوڈ سکیورٹی پالیسی کوں جلدی اخیری شکل ڈتی ویسی۔
