اسلام آباد ۔ 15 اکتوبر (اے پی پی) وفاقی وزیر خزانہ اسحاق ڈار آکھے جو ملکی اتے غیر ملکی سرمایہ کاراں تے کاروباری افراد کوں ہر ممکن سہولتاں ڈتیا ں ویسن ۔عالمی سطح تے پاکستان اچ کاروبار اتے سرمایہ کاری کیتے فضا چنگی تھیندی پئی ہے ۔ پاکستان کوں معیشت اتے امن و امان دی صورتحال اچ بہتری دا پورا فیدہ چاونڑاں چاہیدے ۔ اے گالہیں انہاں چھنڑ چھنڑ کوں اتھاں کاروبار کیتے حکمت عملی تے عملدرآمد اچ اگوہیں دا جائزہ گھنڑ سانگے ہک اجلاس دی صدارت کریندے ہوئیں آکھیاں۔ ایں موقعے تے سیکرٹری خزانہ وفاقی وزیر کوں کاروبار کیتے موقعاں بارے اصلاحاتی اقدامات بارے ڈسایا۔ انہاں اقدامات ا چ کاروبار دا آغاز،بجلی اتے قرضیاں دا حصول،جائیداد دی رجسٹریشن،سرمایہ کاراں دا تحفظ،ٹیکساں دی ادائیگی،سرحداں دے پار تجارت،اتے معاہدیاں تے عملدرآمد شامل ہن ۔ وفاقی وزیر خزانہ سارے سانجھے داراں نال تعاون کوں یقینی بنڑاونڑ دی لوڑ تے زور ڈتا۔ انہاں ہدایت کیتی جو ملکی اتے غیر ملکی سرمای کاراں اتے کاروباری افراد کوں ساریاں سہولتاں دی فراہمی کوں یقینی بنڑایا ونجے ۔ انہاں آکھیا جو پاکستان کوں معیشت اتے امن و امن دی صورتحال اچ بہتری دا مکمل فیدہ چاونڑاں چاہیدے ۔
