اسلام آباد ۔ 19اکتوبر (اے پی پی) سابق سفیر ظفر ہلالی آکھیاہے جو مودی دی جنونیت پاروںبھارت وچ کئی بئے پاکستان وجود وچ آوسن۔ ریڈیو پاکستان دے پروگرام نقطہ نظر وچ گالھ مہاڑ کریندے ہوئیں انھاں آکھیا جو بھارت وچ آر ایس ایس دا سربراہ نریندر مودی انتہا پسند اتے جنونی ہے اتے ا وہ پاکستان اتے مسلماناں د ے خلاف ہے ۔ انھاں آکھیا جو مودی چاہندے جو پاکستان کو ںپوری دنیا وچ بدنام کیتا ونجے اتے بھارت وچ کوئی وی مسلمان نہ رہوے ایہا وجہ ہے جو اوہ مقبوضہ کشمیر اتے بھارت دے اندر مسلماناں تے مظالم کریندا پئے۔ انھاں آکھیا جو ماضی وچ وی اگر مسلماناں کوں انہاں دے حقوق ڈتے ویندے تاں ہندستان کوں تقسیم کرنڑ دی ضرورت پیش نہ آندی ۔ سابق سفیرآکھیاجو بھارت وچ15 فیصد مسلمان ہن اتے اہم عہدیاں تے صرف ڈوفیصد کوٹہ مقرر کیتا گئے۔ انھاں آکھیا جو مسلماناں دے خلاف ایہا اصول اتے انتہا پسندی روا رکھی گئی تاں ول آونڑ آلے وقتاں وچ بھارت وچ کئی نویں پاکستان وجود وچ آوسن ۔
