پشاور۔28اکتوبر(اے پی پی )وزیراعظم محمد نواز شریف جمعہ دے ڈینھ کوہاٹ پجے تاں گورنر خیبر پختونخوا اقبال ظفر جھگڑا وزیراعظم دا استقبال کیتا۔ ایں موقع تے وفاقی وزیر شاہد خاقان عباسی ، مسلم لیگ (ن) دے رہنما سردارمہتاب احمد خان وی وزیراعظم دے کٹھے ہن ۔ مسلم لیگ (ن) دے صوبائی صدر صابرشاہ ،وزیراعظم دے مشیر انجینئر امیر مقام ، عباس آفریدی اتے مسلم لیگ (ن) دے بئے رہنما وی ایں موقع تے موجودہن ۔وزیراعظم دورہ کوہاٹ وچ مختلف یونین کونسلاں کوںگیس فراہمی منصوبیں دا سنگ بنیاد رکھ ڈتا یونین کونسلاں وچ خوشحال گڑھ چور لکی ، علی زئی ،ڈھوڈا ،نصرت خیل اتے شیر کوٹ شامل ہن ۔کوہاٹ دی انہاں یونین کونسلاں وچ گیس دی فراہمی منصوبے تے ترائے ارب 81کروڑ روپے دی لاگت امسی وزیراعظم جیویں ای قلعہ گراﺅنڈ جلسہ گاہ پجے اتھاں مسلم لیگ (ن) دے رہنماواں اتے کارکناں انہاں دا پرجوش استقبال کیتا ، ایں موقع تے مسلم لیگ (ن) دے کارکناں مسلم لیگ (ن)اتے وزیراعظم دے حق وچ نعرے لاتے ۔
