اسلام آباد ۔ 7 اکتوبر (اے پی پی) وزیر اعظم محمد نواز شریف بلوچستا ن دے علاقے مچھ دے نیڑے جعفر ایکسپریس تے حملے دی پرزور مذمت کیتی ہے ۔ جمعے کوں وزیر اعظم آفس ولوں جاری بیان دے مطابق وزیر ا عظم دھماکیاں اچ قیمتی جاناں دے ضیان تے دلی ڈکھ دا اظہار کریندے ہوئیں دعا کیتی جو اللہ تعالیٰ مرحومین کوں آپنڑیں جوار رحمت اچ جاہ ڈیوے اتے ڈکھی ٹبراں کوں اے صدمہ جھلنڑ دا حوصلہ ڈیووے ۔ وزیر اعظم متعلقہ حکام کوں ہدایت کیتی جو حملے اچ ملوث عناصر دا سراغ لاء تے انہاں کوںانصاف دے کٹہرے اچ گھن آیا ونجے ۔ انہاں حملے اچ زخمی زخمی تھیونڑآلیاں ہر ممکن بہترین طبی سہولتاں ڈیونڑ دی ہدایت کریندے ہوئیں انہاں دی تکھے صحت یابی سانگے د عا کیتی ۔
