اسلام آباد ۔09 اکتوبر (اے پی پی)وفاقی وزیر داخلہ چوہدری نثار علی خان دی ہدایات تے انسداد منشیات فورس(اے این ایف) منشیات دی سگلنگ دی روک تھام کیتے بے نظیر بھٹو انٹر نیشنل ائیر پورٹ اسلام آباد اتے جناح انٹر نیشنل ایئر پورٹ کراچی سمیت ملک دے 4وڈے ہوائی اڈیاں تے جسمانی تلاشی کیتے جدید سکینرز نصب کر ڈتے ہن ۔ باوثوق ذرائع اے پی پی کوں ڈسایا جو جدید ٹیکنالوجی پاروں ملک دی سرزمین اچوں ”منشیات توں پاک سفر” یقینی بنڑاونڑ کیتے اے جدید سکینرزبے نظیر بھٹو انٹر نیشنل ائیر پورٹ ‘علامہ اقبال انٹرنیشنل ائیرپورٹ لاہور اتے جناح انٹرنیشنل ائیرپورٹ کراچی اچ نصب کیتے گئے ہن ،جیہڑے جو باقاعدہ طور تے کم کریندے پئے ہن۔ ایں سکینرزنظام کوں چلاونڑ کیتے ماہراں اے این ایف دے عملے کوں باقاعدہ تربیت ڈتی ۔ اے سکینرز برائون نامی برطانوی کمپنی بنڑائے ہن ، انہاں مشیناں دی تنصیب اے این ایف دی عملی صلاحیت اچ یقینی ودھارا کریسی ۔ ہوائی اڈیاں تے نصب کیتی ونجنڑ آلی جدید طرز دی اے اسکیننگ مشین واک تھرو گیٹ دی شکل دی ہے ،جیندی مدد نال انسانی جسم نال چسپاں یا جسم دے اندر موجود منشیات سمیت کہیں وی مواد دی سوکھ نال شناخت کیتی ونج سگدی ہے ۔ ایں مشین دے استعمال نال انسانی جسم کوں کہیں وی طرح د اکئی نقصان کائنی تھیندا، اتے نہ ہئی اے مشین مسافراں کیتے کہیں طرح دی بے پردگی دی وجہ بنڑسی ۔
