حکومت عوام کو ںصحت دیاں چنگیاںسہولتاں دی فراہمی سانگے پرعزم ہے، عوام دھرنیں دی سیاست مسترد کرڈتی ہے، انتشارکھنڈاونڑ آلے آئندہ وی ناکام راہسن
اسلام آباد ۔ 25 اکتوبر (اے پی پی) وزیر مملکت برائے نیشنل ہیلتھ سروس ریگولیشنز اینڈ کوآرڈینیشن سائرہ افضل تارڑ آکھیا ہے جو حکومت عوام کوں صحت دیاں چنگیاں سہولتاں دی فراہمی سانگے پرعزم ہے، عوام دھرنیاں دی سیاست مسترد کرڈتی ہے اتے انتشارکھنڈاونڑآلے آئندہ وی ناکام راہسن۔ ذرائع ابلاغ نال گالھ مہاڑ کریندے ہوئیں انہاں آکھیا جو حکومت عوام دے تعاون نال جمہوریت اتے پاکستان دشمن سارے عناصر دے مذموم عزائم ناکام بنڑیسی ۔ موجودہ حکومت پورے ملک وچ لوکاں کوں صحت دیاں چنگیاں سہولتاں دی فراہمی سانگے سارے وسائل بروئے کار گھن آندی پئی ہے۔ انہاں آکھیا جوعوام دھرنیاں دی سیاست مسترد کرڈتی ہے اتے آئندہ وی انہاں کوں ناکامی دا سامنڑاں کرنڑ پوسی۔
