اسلام آباد ۔ 24 اکتوبر (اے پی پی)وفاقی وزیر پانڑی تے بجلی خواجہ محمد آصف آکھیا جو حکومت ملک اچ بجلی دی گھٹکی تے قابو پاونڑ سانگے کثیر الجہتی حکمت عملی تے عمل کریندی پئی اے۔سوموار کوں اتھاں پرائیویٹ پاور انفراسٹرکچر بورڈ پاروں انرجی انوسٹمنٹ فورم نال خطاب کریندیں ہوئیں انہاں آکھیا جو مسلم لیگ ن دی حکومت دے اقتدار سنبھالنڑ توں پہلے ملک اچ 18توں20گھنٹے لوڈشیڈنگ تھیندی ہئی جڈانجو ہنڑ ملک اچ توانائی دے کئی منصوبے شروع تھیونڑ دے بعد لوڈشیڈنگ اچ نشابر گھٹکی آئی اے اتے اے صرف6گھنٹے تئیں محدود تھی گئی اے۔انہاں آکھیا جو حکومت ملک اچ توانائی دی گھٹکی تے قابو پاونڑ سانگے نجی شعبے دی حوصلہ افزائی کریندی پئی اے۔نجی شعبے سانگے طریق کار کوں سوکھا کر ڈتا گئے اتے انہاں ایں شعبے اچ سرمایہ کاری سانگے پرکشش ترغیبات ڈتی گئین ۔ملک اچ توانائی دے شعبے اچ نجی شعبے دی سرمایہ کاری سانگے وڈے موقع موجود ہن ۔آئی پی پیز10ارب ڈالر دی سرمایہ کاری کیتی اے۔
