ابوظہبی ۔19 اکتوبر(اے پی پی )پاکستان اتے ویسٹ انڈیز دیاں کرکٹ ٹیماں وچال ڈوجھا ٹیسٹ میچ (جمعہ)21 اکتوبر توںشیخ زید سٹیڈیم، ابوظہبی وچ شروع تھیسی۔ پاکستان کوں ویسٹ انڈیز دے خلاف ترائے ٹیسٹ میچاں دی سیریزوچ 1-0دی برتری حاصل ہے۔ پاکستان ویسٹ انڈیز دی ٹیم کوں پہلے میچ وچ 56 سکوراں توں ہرایا ہا۔ ایں توں پہلے پاکستان دی ٹیم ویسٹ انڈیز دی ٹیم کو ںٹی ٹونٹی اتے ون ڈے سیریز وچ کلین سویپ کیتا ہا۔ پی سی بی ویسٹ انڈیز دے خلاف ڈوجھے ٹیسٹ میچ سانگے 15رکنی ٹیسٹ سکواڈ دا اعلان پہلے توں ہی کیتا ہوئے جیندے مطابق یونس خاںکوں ٹیم وچ شامل کر گھدا گئے۔ اعلان کردہ سکواڈ وچ کپتان مصباح الحق، اظہر علی، سمیع اسلم، یونس خان، اسد شفیق، بابر اعظم، سرفراز احمد، محمد نواز، یاسر شاہ، ذوالفقار بابر، محمد عامر، وہاب ریاض، سہیل خان، عمران خان سینئر اتے راحت علی شامل ہن۔ یونس خان کوں ڈینگی بخار وچ مبتلا ہونڑ دی وجہ نال پہلے ٹیسٹ وچ شامل کائناںکیتا گیا ہا ۔
