اسلام آباد ۔ 27 اکتوبر (اے پی پی) دفتر خارجہ دے ترجمان آکھیا جو پاکستان اچ تخریبی سرگرمیاں سانگے افغانستان دی سرزمین استعمال تھیونڑ دے واضح ثبوت موجود ہن۔خمیس کوں اتھاں کشمیربارے یوم سیاہ دے موقع تے میڈیا نال گالھ مہاڑ کریندیں ہوئیں کوئٹہ اچ دہشت گرد حملے اچ غیر ملکی ہتھ بارے ہک سوال دا جواب ڈیندیں ہوئیں ترجمان آکھیا جو پاکستان اچ تخریبی سرگرمیاں سانگے افغانستان دی سرزمین استعمال تھیندی پئی اے ایں بارے اساڈے کنے واضح ثبوت موجود ہن ۔کلبھوشن تئیں قونصلر رسائی بارے ساری شرائط موجود ہن ۔قونصلر رسائی دا فیصلہ صورتحال دا جائزہ گھنڑ دے بعد کیتا ویسی۔
