لاہور۔30 نومبر(اے پی پی )پورے ملک اچ ایڈز دا عالمی ڈینھ (ورلڈ ایڈز ڈے )اج منایا ویسی۔ این ڈینھ دے حوالے نال ایڈز بارے اچ عوامی شعور بیدار کرنڑ سانگے عالمی ادارہ صحت ، انٹی ایڈز سوسائٹی آف پاکستان ، حکومت پاکستان ، ہیلتھ ڈیپارٹمنٹ پنجاب ، پاکستان میڈیکل ایسوسی ایشن ، اسلامک میڈیکل آرگنائزیشنز سمیت سرکاری تے غیر سرکاری تنظیماں دی سانجھ نال صوبائی دار الحکومت دے نال نال ڈویژنل و ضلعی ہیڈ کوارٹرز تے واکس منعقد کیتیاں ویسن اتے ہیلتھ سیمینارز ،کانفرنسز ، ورکشاپس ، مذاکرے ، مباحثیں دا وی اہمتام کیتا ویسی تاں جو عوام کوں ایڈز دے مرض ، ایندی وجوہات ، ابتدائی علامات ، علاج معالجہ ،تدارکی اقدامات اتے بئے امور بارے ڈسایا ویسی ۔ ذرائع دے مطابق پوری دنیا چ ایڈز دے مریض 3کروڑ 50لکھ توں وی ودھ گے ہن۔
