اسلام آباد ۔ 18 نومبر (اے پی پی) عوامی نیشنل پارٹی دے سابق سینئر رہنما سینیٹر حاجی محمد عدیل انتقال کرگئے ہن۔ نجی ٹی وی چینل حاجی محمدعدیل دے خاندانی ذرئع دے حوالے نال ڈسایا ہے جو او گردے دے مرض اچ مبتلا ہن اتے سی ایم ایچ پشاور اچ انہاں دا علاج تھیندا پیا ہئی ۔حاجی عدیل 2009توں مارچ 2015تئیں سینیٹر رہیے ۔ڈڈھ سال تئیں اے این پی دے قائم مقام صدر وی رہیے ۔حاجی عدیل کے پی کے اسمبلی اچ ڈپٹی سپیکر تے سینیٹ اچ اے این پی دے پارلیمانی لیڈر وی رہیے ۔انہاں دی عمر 72سال ہئی ۔حاجی عدیل دی نماز جنازہ جمعے دے تریجھے پہر سوا چار وجے پشاور اچ ادا کیتی ویسی ۔
