وفاقی حکومت کہیں وی خاص معاملے دی انکوائری سانگے ایں ایکٹ دی شرائط دے مطابق انکوائری کمیشن تشکیل ڈے سگسی
کمیشن کوں اپنڑے ضوابط خود بنڑاونڑ دا اختیار حاصل ہوسی ، حتمی یا عبوری رپورٹ کوں عام کیتا ویسی
اسلام آباد ۔30نومبر (اے پی پی) قومی اسمبلی کمیشن آف انکوائری بل 2016ء دی منظوری ڈے ڈتی’ جیںدے تحت جڈاں وی کڈاہیں مفاد عامہ دی اہمیت دے پیش نظر کہیںوی خاص معاملے دی انکوائری دا انعقاد کراونڑ ہوا تاں وفاقی حکومت سرکاری جریدے اچ اعلامیہ دے ذریعے ایں ایکٹ دی شرائط دی مطابقت اچ ہک انکوائری کمیشن تشکیل ڈے سگسی۔ بدھ کوں قومی اسمبلی دے اجلاس دے دوران وفاقی وزیر زاہد حامد 28 نومبر کو ںپیش ہوونڑ آلے بل کمیشن آف انکوائری بل دی تریجھی خواندگی دے حوالے نال تحریک پیش کیتی ۔ قومی اسمبلی بل دی منظوری ڈے ڈتی۔ این بل دے تحت کہیں وی عمارت یا جاہ اچ داخلے یا تلاشی سانگے گریڈ 17 توں اتے دا افسر داخل تھی سگسے ۔کوئی وی کھاتے یا دستاویز کوں قبضے اچ گھن سگسی ،کمیشن کوں کہیں وی معاملے اچ پولیس دی تفتیش سانگے حکم ڈیونڑ دا اختیار ہوسی ۔کمیشن عدالت عالیہ ولوں سزا ڈیونڑ سانگے حاصل اختیارات دا حامل ہوسی ۔کہیں وی شخص کوں کمیشن دے روبرو معاملے متعلق کوئی وی معلومات یا دستاویزات فراہم کرنڑ دا اختیار ہوسی ایںایکٹ دے تحت کمیشن دا ہر رکن یا کمیشن ولوں تقرر کردہ افسر سرکاری ملازم شمار تھیسی ۔
