لاہور۔12 نومبر(اے پی پی )محکمہ موسمیات صوبائی دارالحکومت لہور سمیت ملک دے بئے شہراں اچ کجھ جاہیں تے ہلکی بارش اتے پہاڑاں اُتے برفباری دی پیشگوئی کی تی ہے جڈانجو ملک دے بہوں سارے علاقیاں اچ موسم ٹھڈا تے رُکھا راہسی ، محکمہ موسمیات دے ماہراں ڈسایا جو راولپنڈی’گوجرانوالہ’گلگت بلتستان اتے کشمیر اچ کجھ جاہیں تے ہلکی بارش اتے پہاڑاں اُتے برفباری دا امکان ہے جڈانجو فیصل آباد، گوجرانوالہ، ملتان، بہاولپور ڈویژن اچ سویلے دے ویلھے سموگ تے دھند پوونڑ دا مکان ہے جڈانجو ملک دے بہوں سارے علاقیاں اچ موسم رُکھا اتے ٹھڈا راہسی، گزریل 24 گھنٹیاں دے دوران ملک دے بہوں سارے میدانی علاقیاں اچ موسم رُکھا اتے اُتلے علاقیاں اچ ٹھڈا ریہا،جڈانجو لہور، گوجرانوالہ،سرگودھا اتے ملتان ڈویژن اچ کتھائیں کتھائیں بارش تھئی، ساریاں توں ودھ بارش چکوال اچ 4 ملی میٹر،ساہیوال،سرگودھا،منڈی بہاوٰالدین 2، میاانوالی سیالکوٹ اتے گوجرانوالہ اچ 1 ملی میٹر بارش ریکارڈ کیتی گئی ۔
