اسلام آباد ۔ 05نومبر (اے پی پی) وزیر اعظم محمد نواز شریف نے ہفتہ کوں ترکی دے جنوب مشرقی شہر دیاباقر اچ ہوون الے بم حملے دی شدید مذمت کیتی ہے۔ وزیر اعظم ہاﺅس توں جاری بیان دے مطابق وزیر اعظم نے سانحہ اچ ضائع ہوون الی قیمتی انسانی جاناں تے گہرے ڈکھ تے افسوس دااظہار کیتا ۔ اپنڑے بیان اچ وزیر اعظم نے آکھیا جو پاکستانی حکومت اتے عوام اپنڑے بھرا ملک ترکی اچ قیمتی جاناں دے نقصان تے افسردہ ہن اتے مشکل دی ایںگھڑی اچ اساںترکی دی حکومت اتے عوام دے نال یکجہتی کو جاری رکھن کیتے عزم دا اعادہ کریندوں۔ وزیر اعظم نے آکھیا جو اساڈی دعائیں بہادر خانداناں دے نال ہن اتے حملے اچ زخمی ہوون الے جلد صحت یابی کیتے دعا گوہوں۔ انہاں نے آکھیا جو ایں طرح دے ہولناک حملے ناقابل برداشت ہن ، دہشتگردی ہک مشترکہ مسئلہ ہے اتے پاکستان دہشتگردی دے خلاف جنگ اچ ترکی دے شانہ بشانہ کھڑا رہسے۔
