اسلام آباد ۔ یکم نومبر (اے پی پی)وزیر داخلہ چوہدری نثار علی خان ‘ عمران خان ولوں سپریم کورٹ تے اعتماد دا خیر مقدم کریندیں ہوئیں آکھیا جو اجوکی پیشرفت نہ کہیں دی جت اے نہ کہیں دی ہار،اے پاکستان دی جت اے۔حکومت صلح صفائی نال معاملہ حل کرنڑ دی کوشش کیتی،رکاوٹاں اتے مشکلاں دی ذمہ واری حکومت تے نی لاتی ونج سگدی،کے پی کے ،پنجاب اتے راولپنڈی اسلام آباد دے شہریاں کوں پیش آونڑ آلی مشکلاں تے انہاں توں معذرت خواہ ہیسے،وزیر اعلیٰ کے پی کے لشکر نال آونڑ دی غلط روایت پاتی اے،زور بازو اتے تشدد نال آپنڑی رائے مسلط کرنڑ دا کہیں کوں حق کائنی ،ویلھا آ گئے جو اساں آپنڑے اداریاں اتے عدالتاں تے اعتماد کروں۔
