اسلام آباد ۔ 08 نومبر (اے پی پی)پاک فضائیہ دے سربراہ ایئر چیف مارشل سہیل امان نال سعودی رائل ایئر فورس دے کمانڈر میجر جنرل محمد بن صالح العتیبی ملاقات کیتی جیں اچ پیشہ وارانہ اتے سانجھے دلچسپی دے امور تے گالھ مہاڑ تھی ۔ترجمان پاک فضائیہ دے مطابق منگل کوں کمانڈر سعودی رائل ائیر فورس میجر جنرل محمد بن صالح ائیر ہیڈ کوارٹر پجے تاں ائیر چیف مارشل سہیل امان انہاں دا خود خیر مقدم کیتا اتے پاک فضائیہ دے سٹاف تے افسراں نال تعارف کرایا ۔مہمان شخصیت کوں پاک فضائیہ دے دستے سلامی ڈتے ۔ملاقات دے دوران سانجھے دلچسپی دے امور تے گالھ مہاڑ کیتی گی ۔پاک فضائیہ دے سربراہ آکھیا جو سعودی عرب اتے پاک فضائیہ وچال چنگے تعلقات ہن ،پاک فضائیہ سعودی فضائیہ دی تربیت جاری رکھیسی ،کمانڈر سعودی رائل ائیر فورس میجر جنرل محمد بن صالح دہشت گردی دے خلاف جنگ اچ پاک فضائیہ دے کردا ر کوں چنگاں اکھیندے ہوئیں آکھیا جو سعودی عرب ہمیشہ اوکھے ویلھے پاکستان دے نال کھڑدا ہے ۔پاک فضائیہ ولوں کمانڈر سعودی رائل ائیر فورس میچر جنرل محمد بن صالح کوں پاک فضائیہ دے تنظیمی ڈھانچے اتے کردار بارے بریفنگ ڈتی گی ۔
