اسلام آباد ۔7 دسمبر (اے پی پی) اسلام آباد بےنظیر بھٹو انٹرنیشنل ایئر پورٹ تے مسافراں دے سامان توں 86 ہزار 3سو سعودی ریال اتے 49 ہزار پانچ سو یو اے ای درہم برآمد کرتے کرنسی دی اسمگلنگ دی کوشش ناکام بنڑا ڈتی گی۔ نجی ٹی وی چینل اسلام آباد بےنظیر بھٹو انٹرنیشنل ایئر پورٹ ذرائع دے حوالے نال ڈسایا جو صوابی توں تعلق رکھنڑ آلے خوشدل رحمان ناں دے مسافر دی ساما ن دی تلاشی دے دوران غیر ملکی کرنسی بر آمد کر گھدی گئی ہے جیرھی جو مٹھائی دے ڈبے اچ لکا تے دبئی سمگل کرنڑ دی کوشش کیتی ویندی پئی ہئی ۔رپورٹ دے مطابق ملزم کوں حراست اچ گھن تے تفتیش شروع کرڈتی گی ہے ۔واضح رہے جو قنون نافذ کرنڑ آلے اداریں کوں اطلاع ملی ہئی جو غیر ملکی کرنسی اتے سونا وڈی مقدار اچ باہرلے ملک اسمگل دی کوشش کیتی ونج سگدی ہے جیں کوں روکنڑ سانگے قنون نافذ کرنڑ آلے اداریں ملک دے سارے ائیر پورٹ تے سخت اقدامات کر رکھیے ہن
