اسلام آباد ۔ 29 دسمبر (اے پی پی) وفاقی وزیر پانڑیں تے بجلی خواجہ محمد آصف آکھیا ہے جو حکومت پانڑیں دی گھٹکی کوں پورا کرنڑ سانگے ذخیریں دی تعمیر دے ضیان کوں روکنڑ سانگے نئی حکمت عملی ترتیب ڈیندی پئی ہے ۔ملک اچ پانڑیں دے موجودہ بحران دے حوالے نال نجی ٹی وی چینل نال گالھ مہاڑ کریندے ہوئیں انہاں آکھیا جو پورے ملک اچ بارشاں نہ تھیونڑ دی وجہ توں پانڑیں دی ودھ ساری گھٹکی پیدا تھی گی ہے جیں پاروں ارسا ڈیماں توں پانڑیں دا اخراج بند کر ڈتا ہے تاں جو پانڑیں کوں فصلاں دی پیداوار سانگے استعمال کیتا ونج سگے ۔وفاقی وزیر آکھیا جو ایں ویلھے تربیلا ڈیم اتے منگلہ ڈیم اچ پانڑیں دا ذخیرہ گھٹ تھیونڑ دی وجہ توں پورے ملک اچ لوڈشیڈنگ دے دورانیے دے دوران کجھ ودھارا ڈیکھنڑ اچ امدا پئے ایندے باوجود حکومت کنٹرول اچ ہے کیوں جو ایں موسم اچ پانڑیں نہ صرف ہک ہزار توں 12سو میگاواٹ بجلی ہی پیدا کیتی ونج سگدی ہے ۔انہاں آکھیا جو بجلی دا حصول جون تے جولائی اچ ودھ ہوندا ہے جڈاں 7ہزار میگاواٹ بجلی کیتی ویندی ہے ۔پانڑیں دے ضیان دے حوالے نال پچھے گے سوال دا جواب ڈیندے ہوئیں انہاں آکھیا دیہاتاںسمیت شہراں اچ وی پانڑیں دا استعمال سانگے کوئی نظام وضع کائنی جیں پاروں پانڑیں دا ودھ سارا استعمال کیتا ویندا ہے ۔انہاں آکھیا جو پانڑیں دی گھٹکی تے قابو پاونڑ سانگے حکومت حکمت عملی ترتیب ڈتی ویندی پئی ہے ۔
