اسلام آباد ۔ 8 دسمبر (اے پی پی) وفاقی وزیر منصوبہ بندی تے ترقیات پروفیسر احسن اقبال آکھیا ہے جو چین پاکستان اقتصادی راہداری منصوبہ (سی پیک) نال صوبہ بلوچستان سانگے ترقی دے نویں دور دا آغاز تھیسی، منصوبے دے مغربی روٹ دے مطابق شبہات غلط ثابت تھیے ہن ایں روٹ توں چین دا پہلا تجارتی قافلہ مشرق وسطیٰ سانگے سامان گھن تے روانہ تھی گیا ہے ۔خمیس کوں اتھاں ہک ریلیز دے پریس مطابق وفاقی وزیر احسن اقبال آکھیا جو سی پیک ہک گیم چینجر ہے جیں نال خطے اچ ترقی تے خوشحالی دے نویں دور دا آغاز تھیسی ۔سی پیک توں گوادر تجارتی سرگرمیاں دا ہب (مرکز) ہو سی جیں نال علاقے اچ غربت اچ گھٹکی تھیسی اتے شہریاں سانگے ملازمتاں دے نویںموقع پیدا تھیسن ۔انہاں آکھیا جو سی پیک پاکستان غیر ملکی سرمایہ کاری راغب کرنڑ اچ کامیاب تھیا ہے اتے چین دی قیادت پاکستان دے صنعتی شعبے دی ترقی سانگے پرعزم ہے ۔انہاں آکھیا جو گزریل 67سالاں اچ پاکستان اچ صرف 17ہزار میگاوٹ بجلی پیدا تھی ہے جڈاں جو ایں منصوبے دے ذریعے آندے ترائے سالاں اچ نظام اچ 11ہزار میگاواٹ بجلی شامل تھیسی جیں نال توانائی دی گھٹکی تے قابو پاونڑ اچ مدد ملسی ۔
