،پولیس تے سیکورٹی اہلکاراں دے جانی ضیان تے ودھ سارے ڈکھ دا اظہار
اسلام آباد ۔ 11 دسمبر (اے پی پی) وزیر اعظم محمد نواز شریف اتوار کوں ترکی دے شہر استنبول اچ تھیونڑ آلے دہشتگرد حملے دی ودھ ساری مذمت کیتی ہے انہاں پولیس تے سیکورٹی اہلکاراں دیاں قیمتی جاناں د ے ضیان تے ودھ سارے ڈکھ دا ظہار کیتا ہے ۔وزیراعظم ہائو س توں جاری بیان دے مطابق وزیراعظم آکھیا ہے جو پاکستان دی حکومت تے عوام ایں واقعے تے افسوس اچ ہے اتے ترکی دی حکومت نال یکجہتی دا ظہار کریندے ہن ایں اوکھے ویلھے اچ انہاں دے نال کھڑے ہن ۔انہاں آکھیا جو دہشت گردی ہک سانجھا خطرہ ہے جیں کوں سانجھیاں کوششاں دے نال ختم تھیونڑاں چاہیدا ہے ۔انہاں مزید آکھیا جو پاکستان دہشت گردی دی ہر طرح دیاں کاوائیاں دی مذمت کریندا ہے ،وزیراعظم جاں بحق لوکاں دی مغفرت تے زخمیاں سانگے وختی چنگی صحت دی دعا کیتی ۔
