اسلام آباد۔ 13 دسمبر (اے پی پی) وزیر مملکت وفاقی تعلیم تے پیشہ ورانہ تربیت انجینئر محمد بلیغ الرحمان آکھیا ہے جو ملک دے ہر بال کوں تعلیم ڈیونڑ حکومت دی پہلی ترجیح اچ شامل ہے ،سکولاں اچ داخلے دی شرح اچ چنگائی اتے سکولاں توں باہر بالاں دی شرح اچ چنگی گھٹکی تھی ہے ،ریڈنگ پراجیکٹ دے تحت منتخب سکولاں اچ طالباں دے مطالعے دے رحجان کوں چنگاں بنڑاونڑ اچ مدد ملسی ۔او منگل کوں یو ایس ایڈ فنڈڈ پروگرام ریڈنگ پراجیکٹ دے اہمتام نال چار ڈینھ دی ورکشاپ توں خطاب کریندے پے ہن ۔ایںموقع تے انہاں آکھیا جو موجودہ حکومت تعلیم تے خصوصی توجہ ڈیندی پئی ہے اتے تعلیم د ے معیار دے تعین اچ چنگی کامیابی حاصل کیتی ہے ۔
