اسلام آباد ۔ 25 دسمبر (اے پی پی) وفاقی وزیرخزانہ سینیٹر اسحاق ڈار نیشنل بینک اچ ارباں روپے دے فراڈ دی خبردا نوٹس گھندے ہوئیں گورنر سٹیٹ بینک کوں ایں معاملے دی تحقیقات کرتے ترائے ڈینھ اچ وزارت خزانہ کوں رپورٹ ڈیونڑ دا ہدف ڈتے ۔ وزارت خزانہ ولوں جاری اعلامیے دے مطابق وزیرخزانہ سینیٹر اسحاق ڈار نیشنل بینک آف پاکستان اچ ارباں روپے دے فراڈ بارے چھپنڑآلی خبر ،جیندا حوالہ ہک سینئر اینکر آپنڑیں پروگرام اچ ڈتا ، دا سخت نوٹس گھدے ۔ ایں خبر دے مطابق بینک حکام ولوں اے فراڈ کیتا گئے جیندے اچ اسسٹنٹ وائس پریزیڈنٹ بینک وی شامل ہن ۔
