اسلام آباد ۔ 30 جنوری (اے پی پی) وزیر مملکت انفارمیشن ٹیکنالوجی تے ٹیلی کام تے مسلم لیگ(ن) دی رہنماانوشہ رحمان آکھیا جو حدیبیہ ملز دے 1.2 ملین روپے دے سارے قرضیں دی ادائیگی کیتی ونج چکی ہے تے ہنڑ ایں کیس کوں دفن تھی ونجنڑاںچاہیدا ہے ،تحریک انصاف صرف اتے صرف کردار کشی تے وزیراعظم اتے انہاں دے خاندان تے کوڑے الزام لاونڑ اچ مصروف ہن ۔سنوار کوں اتھاںمیڈیا نال گالھ مہاڑ اچ انہاں آکھیا جو حدیبیہ ملرز توں گھدے گے پیسیں اچ عوام دا پیسہ شامل کائنی تے تے نہ ہی انہاں پیسیں اچ سٹیٹ بنک یا کہیں مالیاتی ادارے توں گھدا گیا قرضہ شامل ہے ۔ انھاں آکھیا حدیبیہ ملز دے پیسیں دا لین دین ڈو اداریںحدیبیہ ملز اتے ہجویری مضاربہ وچال تے ایں ویلھے ہجویری مضاربہ دے چیف ایگزیکٹو اسحاق ڈار ہن جڈاں جو انہاں دے بعد کئی چیف ایگزیکٹو آگے ہن ۔ انوشہ رحمان آکھیا جو اج عدالت اچ حدیبیہ ملزدے قرضیں دی ادائیگی دے حوالے نال سارے ثبوت پیش کر ڈتے ہن ، گزریل23 سالاں دے دوران13 مختلف ججز صاحبان وی حدیبیہ کیس تے فیصلے سنڑائے ہن تے ہنڑ ایں کیس کوں دفن تھیونڑاں چاہیدا ہے ۔مسلم لیگ (ن) دی رہنما آکھیا جو پی ٹی آئی پہلے وزیر اعظم محمد نواز شریف اتے انہاں دے بعدانہاںدی دھی مریم نواز شریف دے پچھوں ہتھ دھو تے پئے گی ہے ہنڑ انہاں دیا ں توپاں دا منہ اسحاق ڈار دے پاسے ہے ، تحریک انصاف صرف تے صرف کردار کشی کیتی ، وزیراعظم اتے انہاں دے خاندان دے کوڑے الزام دفن شدہ انساناں تے ناچ گاناکریندی پئی ہے ۔ انوشہ رحمان ایں امیدا دا ظہار کیت اجو انشاء اللہ عدالت اچ پیش کیتے ونجنڑ آلے ثبوتاں تے کامیابی حاصل کریسن ۔
