اسلام آباد ۔ 27 جنوری (اے پی پی) اطلاعات تے نشریات دے پارلیمانی سیکرٹری بیرسٹر محسن شاہ نواز رانجھا آکھیا ہے جو سیاست اچ انتہا پسندی دے آغاز دی ذمے وار پاکستان تحریک انصاف ہے۔پاناما کیس عدالت اچ زیر سماعت ہے ایں موقع تے وزیراعظم دے خلاف تحریک استحقاق نی لاتی ونج سگدی ۔جمعے کوں پارلیمنٹ ہاﺅس دے باہروں میڈیا نال گالھ مہاڑ کریندے ہوئیں انہاں آکھیا جو پارلیمنٹ اچ ہنگامہ آرائی دی مذمت کریندوں ۔مندے کڈھنڑ تے غلط زبان دا ستعمال کرنڑ افسوس ناک ہے ۔انہاں آکھیا جو ایوان اچ سارے ارکان تعلیم یافتہ ہن اگر اپوزیشن دے پنجے ارکان بولیندے ہن تاں حکومتی پنجے توں ارکان دا جواب ڈیونڑاں پوندا ہے ایجھا کائنی ہوندا اپوزیشن آلے تقریر کرن تے حکومتی بنچاں توں خاموش رہن ۔انہاں آکھیا جوپاناما دا کیس سپریم کورٹ اچ زیر سماعت ہے عمران خان عدالت تے دباﺅ پاونڑ سانگے سویرے نو وجے میڈیا نال خطاب کریندے ہن ۔
