قومی جذبے اتے پورے اتفاق دے نال سی پیک منصوبے کوں کامیاب بنڑیسوں،ایندے خلاف سازشاں کرنڑ آلے ہر فورم تے ناکام تھیسن ،2018تئیں قومی گرڈ اچ 11 ہزار میگاواٹ بجلی سسٹم اچ شامل تھی ویسی جیں نال توانائی دا بحران ختم تھی ویسی، وفاقی وزیر ترقی تے منصوبہ بندی پروفیسر احسن اقبال

اسلام آباد ۔ 19 جنوری (اے پی پی) وفاقی وزیر ترقی تے منصوبہ بندی پروفیسر احسن اقبال آکھیا ہے جو قومی جذبے اتے پورے اتفاق دے نال سی پیک منصوبے کوں کامیاب بنڑیسوں،ایندے خلاف سازشاں کرنڑ آلے ہر فورم تے ناکام تھیسن سی پیک اساڈی قوم تے آونڑ آلیاں نسلاں دا منصوبہ ہے ،وختی چین دااعلیٰ سطح دا وفد پاکستان دا دورہ کریسی ۔انہاں خیالاں داا ظہار انہاں اتھاںخمیس کوں اتھاں سانجھے تعاون کمیٹی (جے سی سی ) دے جائزے دے بعد میڈیا نال گالھ مہاڑ کریندے ہوئیں کیتا ۔وفاقی وزیر آکھیا جو سارے صوبیںکوں انڈسٹریل زونز دے قیام سانگے جاہ دے تعین سانگے آکھیا گیا ہے ۔انہاں آکھیا جو سوشل میڈیا دے ذریعے سی پیک دے حوالے نال بے بنیاد گالھیںکیتیاں گیاں اتے غلط فہمیاں پیدا کرنڑ دی کوشش کیتی ویندی پئی ہے تاں جو سی پیک دے خلاف سازشاں کرنڑ آلے ہر فورم تے ناکام تھیسن ۔سی پیک منصوبیں تے پاکستان دیاں صنعتاں تکھے کم کریندیاں پیاں ہن ۔انہاں آکھیا جو 2018اچ اساڈی معیشت دی پیداوار 6فیصد تھی ویسی ۔انہاں آکھیا جو 2018تئیں قومی گرڈ اچ 11ہزار میگاواٹ بجلی سسٹم اچ شامل تھی ویسی جیںنال توانائی دا بحران ختم تھی ویسی ۔انہاں آکھیا جو اقتصادی راہداری منصوبہ ترائے سال پہلے محض ہک کاغذ دا ٹکڑا ہا جیں تے اج عمل در آمد تھیندا پیا ہے ۔اگر اساں 2030تئیں ایندے مختلف اہداف کوں حاصل کر گھدا تاں پاکستان ایں خطے دے اندر کلیدی اہمیت دا حامل بنڑ ویسی ۔