قوم عمران خان دی منفی سیاست کوں مسترد کر ڈتے،انہاں کوں آپنڑی چار سالہ سیاست توں سبق سکھنڑاں چاہیدا اے،وفاقی وزیر منصوبہ بندی، ترقی و اصلاحات احسن اقبال دی میڈیا نال گالھ مہاڑ

اسلام آباد ۔ 2 جنوری (اے پی پی) وفاقی وزیر برائے منصوبہ بندی، ترقی تے اصلاحات احسن اقبال آکھیا جو تحریک انصاف کوں آپنڑی چار سال دی سیاست توں سبق سکھنڑاں چاہیدا اے۔اتھاں میڈیا نال گالھ مہاڑ کریندیں ہوئیں انہاں آکھیا جو قوم عمران خان دی منفی سیاست کوں مسترد کر ڈتے۔ہک سوال تے انہاں آکھیا جو پی پی پی دے چار مطالبے آندے عام انتخابات سانگے اوندی تیاری دا حصہ ہن ۔انہاں آکھیا جو حکومت مثبت تنقید تے آپنڑی کارکردگی چنگی بنڑیسی۔انہاںآکھیا جو ہنڑ ویلھا آ گئے جو دنیا نال مقابلے سانگے فضا ء بنڑا ونجے۔