اسلام آباد ۔24 جنوری (اے پی پی)مسلم لیگ(ن) دے رہنما دانیال عزیز آکھیا ہے جو عمران خان اتے جہانگیر ترین الیکشن کمیشن اتے سپریم کورٹ اچ استثنا منگدے پن، وزیراعظم محمد نواز شریف خود کوں اپنڑے خاندان سمیت احتساب سانگے پیش کر ڈتا ہے۔ سپریم کورٹ دے باہروں میڈیا نال گالھ مہاڑ کریندے ہوئیں انہاں آکھیا جو عمران خان میڈیا تے آکھیا ہے جو انہاں دے کیس اچ حکم امتناعی جاری تھی گیا ہے لیکن او کوڑ مریندے پن ۔ انھاں آکھیا اگر حکم امتناعی جاری تھی گیا ہے تاں ایندوخ عدالت دے سامنڑے پیش کرن۔انھاں آکھیا جو ہائی کورٹ 6 مہینے بعد بینچ بنڑا ڈتا ہے تے عمران خان ایندے سامنڑے پیش نی تھیندے پے ۔ دانیال عزیز عمران خان کوں مخاطب کریندے ہوئیں آکھیا جو تساڈی تلاشی دا وقت آگیا ہے ہنڑ سجے کھبے پاسے جیباں اچوں کجھ نکلسے اساکوں پتہ ہے جو تیڈی جیب اچ کیا ہے انھاں آکھیا جو وزیر اعظم محمد نواز شریف تریجھی واری منتخب تھیونڑ آلے وزیر اعظم ہن جڈاں تساں کوں عوام ضمنی ،میونسپل،بلدیاتی، کشمیر اتے گلگت بلتستان دے انتخابات اچ مسترد کرڈتا تاں مسلم لیگ (ن)دے امیدواراں کوں کامیابی حاصل تھی ہے
