ڈیووس ۔ 18 جنوری (اے پی پی) وزیراعظم محمد نواز شریف آکھیا جو پاکستان غیر ملکی سرمایہ کاراں سانگے ہک نویں پرکشش منزل اے،پاکستان اچ ریکوری قابل ذکر اے اتے سارے اقتصادی اشاریے مثبت ہن۔او عالمی اقتصادی فورم دے 47 ویں اجلاس دے موقع تے سٹینڈرڈ چارٹرڈ بینک دے گروپ چیف ایگزیکٹو آفیسر جوز وینالز نال ملاقات وچال گالھ مہاڑ کریندے پئے ہن ۔وزیراعظم آکھیا جوپاکستان اچ ریکوری قابل ذکر اے اتے ایندے سارے اشاریے مثبت ہن ۔سٹینڈرڈ چارٹرڈ بینک دے گروپ چیف ایگزیکٹو آفیسر جوز وینالزآکھیا جو پاکستان سٹینڈرڈ چارٹرڈ بینک دا اہم پارٹنر اے اتے چین پاکستان اقتصادی راہداری منصوبہ اچ سٹینڈرڈ چارٹرڈ بینک چینی بینک نال کم کریندا پئے ۔
