اسلام آباد ۔ 4 جنوری (اے پی پی) وزیراعظم محمد نواز شریف گیس صارفین کو ں ودھ توں ودھ سہولت فراہم کرنڑ دی ہدایت کیتی ہے۔انہاں اے ہدایت بدھ کوں اتھاںوفاقی وزیر پٹرولیم تے قدرتی وسائل شاہد خاقان عباسی نال گالھ مہاڑ اچ آکھی جنہاں وزیراعظم ہائوس اچ انہاں نال ملاقات کیتی۔ وفاقی وزیر پٹرولیم تے قدرتی وسائل وزیراعظم کو ںوزارت پٹرولیم دے جاری منصوبہ جات اتے بالخصوص ملک اچ تیل تے گیس دی تلاش دے شعبے اچ چاتے ونجنڑ آلے مختلف اقدامات بارے ڈسایا۔وزیراعظم کو ںایل این جی دی درآمد تے پیشرفت اتے مختلف شعبیں کوں ایندھن دی فراہمی سانگے اقدامات بارے اچ وی ڈسایا گیا۔ وزیراعظم وفاقی وزیرکو ںہدایت کیتی جو او ایں امر کوں یقینی بنڑاونڑ جو گیس صارفین کوں ودھ توں ودھ سہولت ملے ۔انہاں توانائی منصوبہ جات دے حوالے نال سانجھے رابطے دی وی ہدایت کیتی ۔
