ڈیووس ۔ 19 جنوری (اے پی پی) ملنڈا گیٹس فائونڈیشن دے سربراہ اتے بزنس لیڈر بل گیٹس گزریل ترائے سالیں وچال پولیو وائرس دے خاتمہ اچ شاندار کامیابی تے پاکستان کوں خراج تحسین پیش کیتے۔انہاں گزریل ڈینھ عالمی اقتصادی فورم دے 47اجلاس دے موقع تے وزیر اعظم محمد نواز شریف نال کانگریس سنٹر اچ ملاقات کیتی۔وزیراعظم دے قائدانہ کردار کوں سراہندیں ہوئیں بل گیٹس آکھیا جو 2017ء پاکستان توں پولیو دے خاتمے دا سال ہوسی۔وزیر اعظم بل گیٹس کوں تباہ کن پولیو وائرس دے خلاف قومی جنگ سانگے حکومت ولوں چاتے گئے اقدامات بارے ڈسایا۔بل گیٹس آکھیا جو او آونڑ آلے ڈینھاں اچ دورہ پاکستان دے منتظر ہن ۔
