اسلام آباد ۔ 20 جنوری (اے پی پی) وزیر مملکت برائے اطلاعات نشریات تے قومی ورثہ مریم اورنگ زیب آکھیا جو کوڑے الزامات اتے کوڑے دلائل نال عدالت اچ کیس نی جتیا ونج سگدا،مخالفین جتنے الزام لاون ،نواز شریف آپنڑی تقریر ا چ غلط بیانی کائنی کیتی،مسلم لیگ ن آپنڑے قائد دے رستے تے چلدیں ہوئیں شائستگی اختیار کریندی اے ،تحریک انصاف کوں کنٹینر تے کھڑ کراہیں گالھیں کرنڑ دی عادت اے،خان صاحب،مریم نواز مہذب پئیو دی مہذب دھی اے،وزیراعظم دا ناں پانامہ پیپرز اچ کائنی ،سپریم کورٹ اچ کوئی وی پٹیشنز ایجھا ثبوت کائنی ڈے سگی جئیں دی بنیاد تے وزیراعظم کوں نااہل قرار ڈتا ونج سگے۔خمیس کوں انہاں سپریم کورٹ دے باہر میڈیا نال گالھ مہاڑ کریندیں ہوئیں آکھیا جو وزیراعظم دا ناں پانامہ پیپرز اچ نہ اے اتے نہ انہاں پارلیمنٹ یا کہیں خطاب اچ غلط بیانی کیتی اے۔
