اسلام آباد ۔ 12 جنوری (اے پی پی) وفاقی وزیر داخلہ مشکوک مدرسیاں دے خلاف کاروائی بارے حکومت سندھ کوں جوابی مراسلہ بھیج ڈتے۔ترجمان وزارت داخلہ دے مطابق وفاقی وزیر داخلہ ولوںحکومت سندھ کوں بھجوائے گئے جوابی مراسلے دے مدرجات اچ مشکوک مدارس دا نہ پتہ اے،نہ کوئی ثبوت اتے نہ کہیں قسم دے شواہد ہن ،صوبائی حکومت ولوں ڈتی گئی فہرست اچ نہ تاں مذکورہ مدرسیاں کوں مشکوک قرار ڈیونڑ دا کوئی جواز ڈتا گئے اتے نہ ای پورا پتہ اتے بئی ضروری تفصیلات ڈتی گئین ۔سکھر اتے کراچی دی حدود توں باہر مدرسیاں دا اندراج تک کائنی ۔انہاں اچوں کئی مدرسے سندھ اچ کائنی جڈانجو کے پی کے،پنجاب اتے فاٹا وغیرہ اچ ہن جیڑھے جو سندھ دے دائرہ کار توں باہر ہن ۔مشکوک مدرسیاں دے خلاف کیا کاروائی کیتی ونجے جڈانجو ایں بارے صوبائی حکومت ولوں کہیں قسم دی سفارش کائنی کیتی گئی ۔
