اسلام آباد ۔19جنوری(اے پی پی) سینٹ کو ڈسایا گئیا جو کجھ غیر ملکی حساس ادارے پاکستان اچ افراتفری کھنڈاونڑ سانگے کجھ گروپاں کوں فنڈز ڈیندن۔مشکوک ترسیلات دی رپورٹس تے 116مقدمے درج کیتے گئن ۔خمیس کوں ایوان بالا دے اجلاس اچ سوالاں دے وقفے وچال چوہدری تنویر خان اتے جہانزیب جمالدینی دے سوالاں دے جواب اچ وزیر مملکت برائے داخلہ بلیغ الرحمان ایوان کوں ڈسایا جو حکومت دے اقدامات اچ ملک اچ دہشت گردی دے واقعات بہوں گھٹ تھی گئن ۔انہاں آکھیا جو مسلح تنظیماں فنڈز دے حصول سانگے منشیات فروشاں نال رابطے اچ رہندین ۔اے گروہ پاک افغان سرحد تے کم کریندن۔
